ممکنہ قرض لینے والے کو مشورہ دیا جاتا ہے کہ وہ مزید معلومات کے لیے قریبی ایم سی بی بینک برانچ کا دورہ کرے، تاکہ وہ اپنی ضروریات پر تفصیل سے بات کر سکے اور زرعی مارکیٹنگ آفیسر (AMO)، کریڈٹ آفیسر یا برانچ مینیجر کے ساتھ براہِ راست ملاقات کے ذریعے تمام مراحل کے بارے میں مکمل معلومات حاصل کر سکے۔ بینک صرف اُن کریڈٹ پروپوزلز پر فنانسنگ فراہم کرتا ہے جو معیار پر پورا اترتے ہوں۔ عمومی اصول کے طور پر، بینک ہمیشہ مناسب ضمانت / سیکیورٹی حاصل کرتا ہے، جو کہ محتاط اور معیاری بینکاری اصولوں کے مطابق درج ذیل ہو سکتی ہے:

• زرعی زمین پر بینک کا چارج زرعی پاس بک کے ذریعے

• دیہی یا شہری جائیداد کی رہن کے خلاف

• ڈپازٹس اور نقد ضمانت جیسے ڈیفنس سیونگز سرٹیفیکیٹس (DSCs)، اسپیشل سیونگز سرٹیفیکیٹس SSCs)، (RICs اور دیگر لیکویڈ اثاثے (اسٹیٹ بینک آف پاکستان کی شرائط کے مطابق)

• ٹریکٹر کی فنانسنگ کے لیے اس کی رجسٹریشن صارف کے نام ہو گی لیکن وہ بینک کے حق میں ہائپو تھیکیٹڈ ہوگا، اور مکمل انشورنس بینک کے مارگیج کلاز کے ساتھ لازم ہوگی، جس کے ساتھ زرعی یا شہری/دیہی جائیداد کی ضمانت بھی ہو سکتی ہے

• سمندری ماہی گیری کے لیے کشتیوں کی مشترکہ رجسٹریشن اور مکمل انشورنس، بینک کے مارگیج کلاز کے ساتھ

• لمیٹڈ کمپنیوں کی صورت میں کمپنی کے موجودہ اثاثوں پر چارج

• کارپوریٹ گارنٹی

• سیکورڈ ٹرانزیکشن رجسٹری (STR) کے تحت چارج کی تصدیق

• ٹرسٹ رسیدوں کے ذریعے فنانسنگ (ٹیوب ویل، تھریشر، کمبائن ہارویسٹر، زرعی مشینری وغیرہ) مکمل انشورنس کے ساتھ

• اگر پاس بک یا دیگر قابلِ قبول ضمانت موجود نہ ہو تو دو قابلِ اعتماد تیسرے فریق کی ضمانت کے ذریعے فنانس حاصل کیا جا سکتا ہے، تاہم یہ سہولت فی کسان سالانہ زیادہ سے زیادہ 10 لاکھ روپے تک محدود ہے۔ ایک ضامن مجموعی طور پر تمام بینکوں میں 10 لاکھ روپے سے زیادہ ضمانت نہیں دے سکتا، اور ایک ضامن زیادہ سے زیادہ دو افراد کی ضمانت دے سکتا ہے

• غیر محفوظ (Clean) زرعی قرضوں کی حوصلہ شکنی کی جاتی ہے

• زرعی پیداوار کی ہائپو تھی کیشن / پلیج (گودام یا کھیت میں موجود فصل) بھی بطور ضمانت قابل قبول ہے، جس کی ملکیت درست دستاویزات (جیسے الیکٹرانک ویئرہاؤس رسید) سے ثابت کی جائے گی

• کوئی اور ضمانت جو بینک یا اسٹیٹ بینک آف پاکستان کی پالیسی کے مطابق قابل قبول ہو

جائیداد کی مالی قدر کا اندازہ )ویلیوایشن(:

پاس بک کے علاوہ دی جانے والی جائیداد کی ویلیوایشن بینک کے منظور شدہ ویلیوایٹرز کے ذریعے کی جائے گی برانچ مینیجر / افسر خود زمین یا جائیداد کا دورہ کرے گا زرعی زمین یا جائیداد کی بازاری قیمت اور Forced Sale Value (FSV) کا اندازہ برانچ مینیجر / AMM / AMO آزادانہ طور پر کرے گا تاکہ مارکیٹ قیمت حقیقت پسند ہو اور غیر ضروری طور پر بڑھا چڑھا کر نہ دکھائی گئی ہو

زرعی زمین کی مارکیٹ ویلیو کا تعین ریونیو ڈیپارٹمنٹ کے مطابق اسی علاقے کی پچھلے تین سال کی اوسط قیمت (بیع) کی بنیاد پر کیا جا سکتا ہے